Për herë të parë në histori, Santos, ekipi ku ka luajtur dhe legjenda Pele, Neymar e futbollistë të tjerë të mëdhenj të Brazilit, ka rënë nga kategoria.
Klubi brazilian i themeluar 111 vite më parë do të luajë sezonin tjetër në Serie B, pasi matematikisht siguroi një biletë për në ligën e dytë në Brazil.
Këtë ja ka shkaktuar një skuadër tërësisht pa objektiva si Fortaleza, që e mposhti 1-2 në javën e fundit të Serie A braziliane.
Tifozët e skuadrës e kanë përjetuar në mënyrën më të keqe, duke shkatërruar e djegur qytetin deri në orët e para të mëngjesit. Makina të djegura, dyqane të shkatërruara me dëme të ndryshme materiale si dhe qindra të arrestuar.
Siç raportohet në parkingun e stadiumit janë djegur edhe disa prej makinave të lojtarëve që për afro 2 orë nga përfundimi i sfidës, nuk dolën nga stadiumi. Santosi ishte njëri prej tre klubeve, në Brazil, së bashku me Sao Paolo e Flamengo, që nuk kishte rënë kurrë nga elita braziliane.
Santos were one of three teams, alongside São Paulo & Flamengo to have never been relegated from the Brazilian top flight.
Last night, following a 2-1 home loss to Fortaleza, they went down for the first time, prompting their fans to set fire to a bus.pic.twitter.com/D3IJSVCsMe
— HLTCO (@HLTCO) December 7, 2023
