Hong Kong dhe qytetet në jug të Kinës po përballen me përmbytje të rënda.
Nga e enjtja gjithçka, rrugët e stacionet e metrosë janë të mbyllura. Askush nuk do të shkojë në punë apo në shkolla, deri në një njoftim të dytë.
Zyra e shërbimit meteorologjik tha se ka rënë sasia më e madhe e shiut në 140 vitet e fundit. Nga dje, autoritetet e mbrojtjes civile kanë nisur operacionet e shpëtimit, me 83 persona që janë dërguar në spital.
700 mm shi ranë nga mesnata e të enjtes në mëngjesin e kësaj të premteje, shoqëruar me stuhi të fuqishme ere. Në 1 orë, sipas observatorit të Hong Kongut ra 158 milimetër shi, nivel rekord që prej vitit 1884.
