Policia e Tropojës pas një pune hetimore, ka vënë në pranga autorin e plagosjes së një të riu në qytetin e Bajram Curri disa ditë më parë.
Në pranga ka rënë 24-vjeçari Genti Vatnikaj, i cili pas një sherri në një lokal nxori armën e zjarrit dhe me të qëlloi ndaj 33-vjeçarit Alban Haklaj, duke e lënë këtë të fundit të plagosur.
Ky shtetas u kap në një banesë në fshatin Berishë, ku gjatë kontrollit shërbimet e Policisë gjetën dhe sekuestruan edhe armën e zjarrit pistoletë që ai dyshohet se ka përdorur.
