Kryeministrja e Britanisë së Madhe, Theresa May ka krijuar një grup sekret ekspertësh, i cili po punon për realizimin e një plani, që ka për synim ringjalljen e ekonomisë britanike në rast të divorcit nga BE pa një marrëveshje, shkruan e përditshmja britanike ”Financial Times” duke theksuar se detajet e këtij studimi shkojnë nga ulja e taksave dhe rritja e investime deri te shkurtimet e tarifave të eksportit.
Në krye të këtij plani të quajtur post Brexit, qëndron sekretari i Kabinetit, Mark Sedwill, si dhe zyrtarë nga Zyra e Kabinetit të Thesarit dhe përfaqësues të Departamentit për Aktivitetet Tregtare, të cilët po punojnë ngushtë me Bankën e Anglisë.
“Kjo listë njerëzish shërben si levë ekonomike për Ditën e Gjykimit nëse ekonomia është duke u fundosur’’, komentoi një zyrtar i administratës që preferoi të mbetej anonim.
“Sedwill ka filluar punën që prej muajve të verës”, shtoi zyrtari.
