Është Zinedine Zidane objektivi kryesor i drejtuesve të Chelsea-t për zëvendësimin e Maurizio Sarrit, nën drejtimimin e të cilit blutë e Londrës po kalojnë një periudhë krize rezultatesh, që kulmoi me humbjen 6-0 ndaj Manchester City-t.
Mësohet se londinezët janë gati të formulojnë një ofertë për francezin, që ka marrë një vit pushim pas aventurës tepër të suksesshme në krye të Realit të Madridit, ku fitoi 3 Champions radhazi një dhe titull të La Ligas.
Ideja e Roman Abramovichit është të marrë Zidane, për të bindur mesfushorin belg, Eden Hazard, që të rinovojë kontratën dhe të injorojë interesimin e vazhdueshëm dhe serioz të Realit të Madridit.
Hazard ka deklaruar se e ka patur idhull francezin Zidane që kur ishte fëmijë dhe thjesht mendimi se mund të bashkëpunojë me të mund ta bindë që të qëndrojë, duke rinovuar kontratën.
Sarri, gjithsesi, ka ende kohë për të ndryshuar rrjedhën e ngjarjeve. Testi i parë do të jetë me Malmo, në Suedi, në Europa League, më pas e pret sfida me Manchester United në FA Cup, përballja me Manchester City-n në Kupën e Ligës dhe në fund ajo me Tottenhamin në Premier League (para takimit të kthimit me Malmo). Një kalendar vërtet i çmendur dhe i vështirë për të kthyer besimin te drejtuesit
