Policia arrestoi sot Ilir Selmanin, i dyshuar si pjesëmarrës në ekzekutimin e Santjago Malkos, person i afërt i Ervis Martinajt.
Malko u ekzekutua në gusht të vitit të shkuar në rrugën “Xhanfize Keko” në Tiranë, ndërsa prokuroria thekson në dosjen hetimore se ai u elminua nga pjesëtar të klanit “Duka”, kundërshtarë të Ervis Martinajt.
Selmani u arrestua nga efektivët e komisariatit nr.2 në Tiranë. Atij iu gjet me vete një pistoletë me fishek në fole, e cila ishte gati për të qëlluar.
Ai u përgjua për disa muaj nga efektivët e komisariatit nr.2 në Tiranë, të cilët ndërhynë gjatë ditës së sotme duke realizuar arrestimin.
Për fat të mirë, edhe pse me fishek në fole, Selmani nuk ka mundur të përdorë pistoletën.
