Departamenti i Policisë së Nju Jorkut ka zbuluar një robot të ri të ngjashëm me qenin dhe thotë se do ta përdorë për të luftuar krimin dhe për të “shpëtuar jetë”.
Por disa përdorues të internetit e shohin pajisjen si një hap tjetër drejt tiranisë së teknologjisë së lartë.
I quajtur “Digidog”, policia e prezantoi automjetin e saj të ri për mediat lokale në fillim të kësaj jave, duke u mburrur me sistemin e tij të sofistikuar të inteligjencës artificiale dhe një seri kamerash dhe sensorësh, të cilët mund të përdoren për t’u afruar në kohë reale në situatat e rrezikshme përpara se të dërgohen oficerët.
“Ky qen do të shpëtojë jetë, do të mbrojë njerëz dhe do të mbrojë oficerët dhe ky është qëllimi ynë”, tha inspektori i Njësisë së Reagimit të Ndihmës Teknike të Departamentit të Policisë së qytetit, Frank Digiacomo.
Meet the latest addition to the NYPD: "Digidog." The robot dog weighs in at 70 pounds and is able to run about three and a half miles per hour and can even climb stairs https://t.co/bmhjRbDnEf
— ABC7 Eyewitness News (@ABC7) December 11, 2020
Krijuar nga firma robotike “Boston Dynamics”, qeni-robot peshon 70 paund, mund të vrapojë me një shpejtësi maksimale prej më shumë se tre milje në orë dhe madje mund të ngjitet vetë nëpër shkallë.
Po ashtu mund të përdorë një sistem AI për të lundruar në mjedise komplekse, por për momentin pajisja operohet kryesisht nga telekomanda.
#Exclusive Now that’s some #dog! 4 legged, futuristic, first responder is helping NYPD w the most dangerous jobs. Starting at 4, Digidog, wait until you see what it can do! @abc7ny @NYPDnews @nypd_taru @nypd_esu #abc7ny #crime #technology #protect #officers #police #k9 #nyc pic.twitter.com/ewDjjPZkfr
— Kemberly Richardson (@kemrichardson7) December 10, 2020
Pavarësisht besimit që departamenti shprehu për “kolegun e tyre të ri”, në internet u ngritën dyshime mbi teknologjinë.
Shumë përmendën paralele shqetësuese me distopitë e trilluara, ku robotët e automatizuar të policisë e vendosin drejtësinë në vend me anë të algoritmit.
“Roboti është aq efektiv sa nuk ka nevojë as të bërtasë ‘duart lart’ para se të ekzekutojë në mënyrë të përmbledhur një të dyshuar të paarmatosur.”– u shpreh një komentues.
Të tjerë shprehën shqetësime më reale në lidhje me koston e qenit robot, i cili shkon në 74,500 dollarë.
