Autoritetet në Tiranë kanë arrestuar këtë të premte dy persona. Përgjatë kontrollit në bulevardin “Gjergj Fishta” është ndaluar nga policia mjeti tip “BMW” me drejtues Bukurosh Suçi, të cilit i është gjetur me vete një armë zjarri pistoletë e sekuestruar në cilësinë e provës materiale.
Policia informon se Suçi në përfundim të veprimeve u arrestua në flagrancë nga specialistët e Komisariatit Nr. 2, për veprën penale “Armëmbajtja pa leje”.
Gjithashtu gjatë kontrolleve nga Forcat “Shigjetat”, në bashkëpunim me Seksionin e Narkotikëve është bërë i mundur arrestimi i Toni Shqutit, pasi gjatë kontrollit të ushtruar në çantën e krahut dhe në banesë iu gjet një sasi kanabisi e ndarë në doza, gati për shpërndarje dhe një thikë.
