Presidenti i Republikës, Bajram Begaj, ka dekretuar këtë të hënë Taulant Ballën si ministër i Brendshëm.
Balla zëvendëson në këtë detyrë Bledi Çuçin. Ky i fundit u shkarkua nga kryeministri Edi Rama të shtunën, shkarkim që u dekretua sot nga Begaj.
Propozimet e Kryeministrit Edi Rama mbërritën në Presidencë më herët gjatë ditës së sotme.
Tashmë, Kuvendi në një afat 10 ditor duhet të përfundojë shqyrtimin dhe votimin e tyre.
Shkarkimi i Ministrit Çuçi erdhi disa ditë pas ngjarjes së rëndë në Krujë, ku persona të afërt me deputetin Rrahman Rrahja dhunuan mizorisht dy kushërinjtë Maja.
