Kamala Harris, zv.Presidente e SHBA, e para grua në këtë pozitë në historinë amerikane, po merr vlerësime për sharmin e saj në fjalimin e saj të parë pas fitores me Biden-in në zgjedhje.
Akoma, historia pas kostumit spektakolar të bardhë të nënshkruar nga stilistja Caroline Herrera është shumë më interesante.
Sipas Vogue, e bardha është një simbol i votuesve që luftuan për të drejtat e grave 100 vjet më parë.
Konkretisht, Partia Kombëtare e Grave është një organizatë politike amerikane e themeluar në 1913.
Ato adoptuan të bardhën, të artën dhe vjollcën si ngjyrat e tyre, ndërsa e bardha është një simbol i pastërtisë.
Geraldine Ferraro ishte gruaja e parë që kandidoi për Zv.Presidente dhe veshi një kostum të bardhë në 1984, kur ajo pranoi nominimin demokrat.
Ajo nuk është e vetmja, pasi dhe Hillary Clinton veshi një kostum si ky në momentet kryesore gjatë garës presidenciale 2016.
Sidoqoftë, Kamala Harris nuk e përmendi këtë lëvizje në fjalën e saj të fitores.
Por ajo përmendi të gjitha gratë që kanë punuar për të siguruar të drejtën e grave për të votuar në të kaluarën, por edhe brezin e ri të sotëm që kanë vazhduar të luftojnë për të drejtat e tyre themelore të votës.
