Federico Chiesa u transferua tek Juventus për të bërë hapin e madh dhe për t’u konfirmuar në nivele të larta pas Fiorentinës.
Megjithatë, një dëmtim i rëndë ngadalësoi rritjen e tij dhe tani me një klub që duhet të fitojë para, ai nuk konsiderohet i paprekshëm. Në fakt, Allegri shpesh dukej se kishte vështirësi për të gjetur një vend për të në skemat e tij.
Përballë ofertës së duhur, drejtori i Juves Giuntoli mund të ulet në tavolinë. Gjithashtu sepse kontrata e tij skadon në vitin 2025 dhe rinovimi duket i vështirë.
Nëse ai nuk rinovon, vlera e tij në vitin 2024 do të bjerë ndjeshëm. Ndërkohë, PSG po interesohet për Chiesa-n si një kandidat i mundshëm për të marrë vendin e Neymar.
Juventusi me një propozim 50 milionë euro mund të ulet në tavolinë për ta diskutuar. Chiesa nga ana e tij nuk po nxiton të lëvizë, por padyshim një vit pa Champions për të pas dy vitesh me probleme fizike duket mungesë e madhe për të.
Francezët do t’i jepnin mundësi lojtarit të luante në Champions, ndoshta duke ia dalë aty ku Messi dhe Neymar kanë dështuar.
