Presidenti rus, Vladimir Putin, ka thënë se operacioni ushtarak i Rusisë në Ukrainë do të arrijë patjetër ato që i quajti qëllimet e tij “fisnike”.
“Objektivat janë absolutisht të qarta, ato janë fisnike,” tha Putin në fjalën e mbajtur në portin kozmik Vostochny në një ceremoni të lidhur me Ditën e Kozmonautikës së Rusisë.
Putin është cituar të thotë se nuk kishte zgjidhje tjetër përveç nisjes së një operacioni ushtarak për të mbrojtur Rusinë.
Gjithashtu, sipas Reuters, Presidenti i Rusisë shtoi se përplasja me forcat anti-ruse ishte e pashmangshme dhe se ishte vetëm çështje kohe që kjo gjë të ndodhte.
Më tej, Putin ka theksuar se Rusia nuk ka në plan të izolohet nga pjesa tjetër e botës, ndërkohë që forcat ruse po veprojnë me trimëri dhe eficencë në Ukrainë.
Ai shtoi se Rusia nuk mund të toleronte më gjenocidin ndaj rusishtfolësve në rajonin e Donbasit.
