Ikona e kinematografisë, Quentin Tarantino nuk po planifikon më të bëjë filmin “The Movie Critic”, për të cilin më herët kishte thënë se do të ishte filmi i tij i fundit si regjisor.
“The Movie Critic” do të kishte qenë filmi i dhjetë dhe i fundit i Tarantinos, por “Variety” thotë se ai nuk do të kërkojë të rishkruajë skenarin ose të ringjallë projektin, përkundrazi ai do të bëjë plane për të kaluar në diçka të re.
Brad Pitt kishte marrë një rol kryesor në film.
Në një moment, Tarantino kishte thënë se filmi i vitit 1977 kishte të bënte me një kritik filmi, i cili shkroi komente të zgjuara për një revistë pornografike.
U përfol gjithashtu se Pitt do të luante një formë të personazhit të tij “Once Upon a Time… in Hollywood”, Cliff Booth, i cili në romanizimin e filmit nga Tarantino ishte një adhurues i madh i filmit.
Tarantino foli shkurtimisht për “The Movie Critic” para një publiku në Festivalin e Filmit në Kanë vitin e kaluar, duke thënë: “Unë nuk mund t’ju them asgjë derisa ta shihni filmin. Jam tunduar të bëj disa nga monologët e personazhit tani, por nuk do të bëj. Ndoshta nëse do të kishte më pak kamera. Ju vetëm duhet të prisni dhe të shihni”.
Nuk është e qartë se çfarë projekti autori mund të zgjedhë si filmin e tij të radhës, pasi ai kishte vendosur të refuzonte drejtimin e filmit “Star Trek” në vitin 2019, duke thënë se ishte një projekt shumë i madh.
“Shiko, unë mund të dal me një ide vërtet të madhe. Por tani për tani, ideja e një audience më të vogël pothuajse në të gjithë rrugën është tërheqëse për mua”, tha ai në atë kohë.
Në vitin 2022, ai hodhi idenë për të bërë një serial televiziv me tetë episode, por edhe kjo nuk u realizua kurrë.
