Kryeministri Edi Rama shprehet se duhen rritur ndëshkimet ndaj njerëzve të papërgjegjshëm që ndotin ambientin. Si rast konkret merr shembullin e një zotërie në Golem që i hedh mbetjet në rrugë.
“1 milionë lekë gjobë nuk mjaftojnë për zotërinë që në kulm të sezonit në Golem, i hedh mbetjet në rrugë, sepse sanksionet për këta ndotës të pacipë duhen rritur me se s’bën për ta mbrojtur Shqipërinë nga ky soj kaq i papërgjegjshëm”, shkruan Rama në rrjetet sociale.
Ndër të tjera, kreu i qeverisë përgëzon dhe inkurajon policinë që të mos ulë vigjilencën ndaj këtyre akteve.
