Tensioni po rritet. Topi fillon të peshojë në Champions. Pikët numërohen gjithnjë e më shumë. Dhe, pasi morën përkatësisht dy pikë në dy ndeshjet e para të grupit, Real Madridi dhe Interi do të përballen me njëri-tjetrin në mënyrë që të rrisin shanset e kalimit të turit. Përballja e tyre do të thotë shumë për fatin e dy ekipeve të njohura në Ligën e Kampionëve. Takimi i parë është caktuar për të martën, 3 nëntor, në orën 21:00, në stadiumin “Di Stefano”.
“Los Blancos” e humbën ndeshjen e parë në shtëpi, kundër Shakhtar (3-2) dhe barazuan 2-2 kundër Borussia Monchengladbach. Një pikë për të besuarit e Zidane. Nëse nuk do të ishte goli i Casemiro, ata do të përballeshin me ndeshjen kundër Interi me zero pikë në renditje. Interi, i cili, pasi barazoi me Gladbach në “San Siro”, nuk arriti të kapërcejë as rezistencën e Shakhtar Donetsk. Ndeshja e radhës do të jetë e 16-ta zyrtare midis dy ekipeve. Bilanci deri më tani është pak në favor të Interit, i cili ka fituar 7 herë, ka humbur 6 dhe ka barazuar 2. Një sfidë që nuk është parë nga viti 1998, kur të dyja ekipet u takuan në grupin e Ligës së Kampionëve: 2-0 për Realin në Spanjë, 3-1 për Interin në “San Siro” (Zamorano dhe dy gola nga Baggio).
Përballja e parë midis dy ekipeve ishte në finalen e Kupës Europiane 1964. Fitorja e parë e Interit, me rezultatin 3-1. Kishte gjithashtu shumë gjysmëfinale të luajtura midis dy klubeve: 1966, 1981, 1985 (Kupa UEFA), 1986 (Kupa UEFA), të gjitha të fituara nga Real Madridi. “Los Blancos” kanë luajtur 74 herë kundër ekipeve italiane dhe kanë arritur: 37 fitore, 11 barazime dhe 26 humbje. Interi është përballur me klube spanjolle në 44 raste: 14 fitore, 11 barazime dhe 19 humbje. Ndeshje sugjestionuese në stol midis Antonio Conte dhe Zinedine Zidane, shokë ekipi me fanellën e Juventusit.
