Edhe pse pas orës 10:00, në tetë qytetet kryesore duhej të kufizohej lëvizja, shumë njerëz kanë vendosur që të mos i binden urdhrit të qeverisë.
Në Fier, të shumtë ishin ata që janë parë në rrugët e qytetit pas kësaj ore.
Kanë qenë patrullat e uniformave blu, ato që kanë këshilluar qytetarët që të shkojnë në shtëpi ose në të kundërt do të gjobiten.
E njëjta panoramë u pa dhe në qytetin e Durrësit.
Dhe pse disa prej banorëve nxitonin që të shkonin në shtëpi, të shumtë ishin ata që kishin dalë në rrugë.
Shumë njerëz shpërfillën kufizimet edhe në Lezhë.
E njëjta situatë u paraqit në Korçë.
Në këto ditë të para pranvere, të gjitha rrugët e qytetit ishin të mbipopulluara nga njerëzit.
Ndërkohë edhe në Burrel, nuk munguan lëvizjet e qytetarëve pas orës 10.
