Një ditë pas rrëzimit të një ashensori në zonën e “Don Boskos”, ku një vajzë mbeti e plagosur, policia ka arrestuar teknikun.
“49-vjeçari A.M u arrestua pasi ka kryer kontroll teknik të ashensorit para dy muajsh duke deklaruar se ashensori nuk ka probleme dhe nuk ka lëshuar certifikatë përkatëse sigurie”, sqaron policia.
Materialet iu referuan Prokurorisë së Rrethit Gjyqësor Tiranë për veprime të mëtejshme në ngarkim të shtetasit të lartpërmendur për veprën penale “Shkelje e rregullave të mbrojtjes në punë”, parashikuar nga neni 289 i Kodit Penal.
