Po sikur shfaqja më e madhe në botë, në vitin 2024, të ishte përsëri Hillary kundër Donald? E mposhtur nga Obama në vitin 2008, e mundur nga Trump në 2016-ën, Clinton dukej se ishte zhdukur nga radari i politikës. E zëvendësuar nga Joe Biden ‘i vjetër’ dhe një brez udhëheqësish të rinj përparimtarë.
Por, siç dihet, ish-sekretarja e Shtetit është një grua me këmbëngulje të rrallë dhe nuk e ka tretur kurrë disfatën e 5 viteve më parë, të cilën e konsideron si vjedhje, edhe pse nuk ka tentuar asnjëherë të përmbysë rezultatin zyrtar të sondazheve. Hillary fitoi votën popullore, por humbi delegatët e disa shteteve vendimtare në “tehun e briskut”.
Sipas saj, një rezultat i shtrembëruar nga ndërhyrjet e huaja (sidomos ajo e bujshme nga Rusia) dhe nga disa të tjera, si “zbulimi” i bërë pak ditë pas votimit nga shefi i atëhershëm i FBI-së, James Comey.
Në çdo rast, ambiciet e saj tani dukej se ishin të arkivuara. Por sot, përballë jopopullaritetit të Bidenit dhe zëvendëses së tij, Kamala Harris, të precipituar në sondazhe dhe me eksponentët e tjerë përparimtarë – nga Pete Buttigieg te senatori Klobuchar – të cilët e kanë të vështirë të dalin në sipërfaqe, hipoteza e Hillary-t rikthehet fuqishëm.
Shumë e vjetër? Në moshën 74-vjeçare, Hillary duket si një vajzë mes pothuajse të 80-ave të Bidenit dhe Sandersit. Sipas sondazhit të fundit të “Marist”, vetëm 36% e votuesve demokratë duan që presidenti aktual të rikandidohet në tre vjet (44% shpresojnë të votojnë për një kandidat tjetër dhe 20% nuk është shprehur).
Kamala Harris supozohej të ishte “plani B”, por me vlerësime personale deri në 22% nuk duket se ajo mund të shkojë shumë larg. Buttigieg është më popullor, por ka shumë që dyshojnë se Amerika është gati të zgjedhë një homoseksual (kryesisht afrikano-amerikanët pritet të rezistojnë).
Në mesin e guvernatorëve do të kishte figura të shquara, por ai që konsiderohej më “i papranueshëm”, Andrew Cuomo (Nju Jork), u përfshi nga një skandal seksual, ndërsa Gavin Newsom (Kaliforni), iu desh të mbrohej nga një përpjekje për ta rrëzuar atë me referendum.
Sa i përket të majtës radikale, ajo numëron në radhët e saj eksponentë shumë të njohur, që nga ‘plaku’ Bernie Sanders, tek amerikano-hispanikja, Aleksandria Ocasio Cortez, por edhe ata nuk duken të aftë për të fituar votën e shumicës së amerikanëve. Pse të mos provojë përsëri Hillary, atëherë? Hipoteza fillon të qarkullojë dhe riniset mbi të gjitha nga mediat e djathta.
Bill O’Reilly, një gazetar televiziv shumë i afërt me Trump, me të cilin ai tani po bën turne në Amerikë për një seri mitingjesh, thotë se është i bindur se Clinton është kthyer në platformën e nisjes.
Ajo nuk e konfirmon, por kohët e fundit ka shtuar akuzat e saj të ashpra kundër Trumpit, flet gjithnjë e më shpesh për demokracinë në rrezik dhe javën e kaluar, bëri zgjedhjen kurioze për të lexuar fjalimin që do të kishte lexuar në publik 5 vjet më parë, nëse ajo do të ishte zgjedhur në krye të Shtëpisë së Bardhë. Me gjithë këtë, kandidatura e tij e shumëfishtë duket ende e pamundur, por me Hillary-n kurrë mos thuaj kurrë.
