Një portret i Alan Turing, i krijuar nga një robot, është shitur në ankand për më shumë se 1,08 milionë dollarë dhe ka shkruar historinë me këtë proces.
Ai-Da Robot, e emërtuar sipas Ada Lovelace, që konsiderohet të jetë programuesi i parë kompjuterik, është bërë artistja e parë robotike humanoide që ka shitur veprat vetjake artistike nga një shtëpi e madhe ankandi.
Krijuar nga një ekip i udhëhequr nga Aidan Meller, Ai-Da është një robot ultrarealist i krijuar për t’u dukur si një vajzë, e cila ka kamera në sytë e saj dhe përdor inteligjencën artificiale për të krijuar vizatime, piktura dhe skulptura.
Mendohej se vepra e saj do të shitej nga 120 000 deri në 170 000 dollarë, por ajo e tejkaloi shumë çmimin e parashikuar të shitjes kur u ble për 1,08 milionë dollarë.
Portreti 2,2 metra i gjatë dhe është krijuar duke përdorur algoritme AI dhe përshkruan Alan Turingun, i cili konsiderohet si babai i shkencës moderne kompjuterike.
Ai-Da zgjodhi tre nga 15 portretet që i kishte bërë Turingut, të cilat më pas u fotografuan dhe u ngarkuan në një kompjuter ku u mblodh imazhi përfundimtar.
Imazhi përfundimtar u printua duke përdorur një printer me teksturë 3D, me Ai-Da duke shtuar shenja dhe teksturë në kanavacën përfundimtare për të përfunduar veprën e artit.
Asistentët e studios shtuan gjithashtu teksturë në veprën e artit pasi krahu robotik i pikturës së Ai-Da nuk është në gjendje të shtrihet në një kanavacë të gjerë.
Ai-Da Robot tha se ”vlera kryesore e punës sime është kapaciteti për të shërbyer si një katalizator për dialogun rreth teknologjive në zhvillim”.
”Alan Turing e njohu këtë potencial dhe na vështron neve, ndërsa ne garojmë drejt kësaj të ardhmeje”, shtoi Ai-Da.
Në vitin 2022, Ai-Da pikturoi portrete të Billie Eilish, Diana Ross, Kendrick Lamar dhe Paul McCartney.
