Ndërsa koronavirus vazhdon të përhapet me shpejtësi, disa qeveri kanë kufizuar udhëtimin, e ndërsa diku tjetër vetë udhëtarët kanë marrë masa paraprake.
BBC është interesuar ndër ekspertë për të marrë përgjigje për një pyetje që shumëkënd e shqetëson: A është i sigurtë fluturimi, lundrimi apo transporti publik?!
Trenat dhe autobusët
Ende nuk dihet saktësisht se si përhapet koronavirusi, por viruse të ngjashme merren përmes frymëmarrjes, kur pranë teshti apo kollitet një person i infektuar. BBC shkruan se koronavirusi ndoshta mund të transmetohen me një kontakt të afërt më të infektuarin. Pra, rreziku që kanoset në llojet e transportit publik, varet kryesisht nga distanca dhe numri i personave në të.
Linjat e fluturimit
BBC shkruan se ajri në avion mund të jetë me cilësi më të mirë sesa në një zyrë mesatare dhe pothuajse sigurisht më i mirë se në një tren ose një autobus.
Profesori Quingyan Chen në Universitetin Purdue, i cili studion cilësinë e ajrit në automjete të ndryshme të pasagjerëve, vlerëson se ajri në avion qarkullon plotësisht çdo 2-3 minuta, krahasuar me çdo 10-12 minuta në një ndërtesë me ajër të kondicionuar.
Kjo sepse gjatë kohës që jeni në avion, ajri që thithni pastrohet nga një filtër ajri me efikasitet të lartë. Ky sistem mund të kapë grimcat më të vogla sesa sistemet e zakonshme të kondicionimit, përfshirë viruset.
Anije lundrimi
Anijet e lundrimit janë vënë në qendër të vëmendjes pasi pasagjerët në Princesha Diamante në Japoni u karantinuan në Shkurt.
Një anije e dytë lundrimi, Grand Princess, u mbajt jashtë bregdetit të Kalifornisë ndërsa provat për koronavirus u kryen në dhjetëra prej 3.500 pasagjerëve të saj.
Anijet e lundrimit përmbajnë shumë njerëz që përzihen në një hapësirë të mbyllur për periudha relativisht të gjata kohore krahasuar me një fluturim.
Dhe Profesori Chen thotë se është “praktikë standarde që sistemet e ajrit të kondicionuar të anijeve të lundrimit të përzihen me ajrin e brendshëm për të kursyer energji.
“Problemi është se këto sisteme nuk mund të filtrojnë grimcat më të vogla se 5000 nanometra.”
