16 persona kanë humbur jetën si dhe disa të tjerë kanë mbetur të plagosur pasi një rrufe i goditi ata në një zonë të Indisë veriore.
Viktimat po bënin selfie në shi në majë të një kulle vrojtimi në Century Amer Fort, një atraksion i njohur turistik. Autoritetet janë shprehur se pjesa me e madhe e viktimave ishin të rinj.
Njëzet e shtatë njerëz ishin në kullë kur ndodhi incidenti dhe disa thuhet se u hodhën në tokë. Kryeministri i Indisë Narendra Modi kanë njoftuar dëmshpërblimin për familjet e atyre që vdiqën. Sezoni i musoneve në Indi, i cili sheh shira të mëdha, zakonisht zgjat nga qershori deri në Shtator.
Departamenti Indian Meteorologjik ka bërë të ditur se vdekjet nga goditjet e rrufesë janë dyfishuar në vend që nga vitet 1960 dhe një nga arsyet që ata përmendën është për shkak të klimës. Në vitin 2018, shteti jugor i Andhra Pradesh regjistroi 36,749 goditje rrufe në vetëm 13 orë.
Më shumë se 100 njerëz vdiqën në dy shtete në qershor të vitit të kaluar në incidente të lidhura me rrufetë. Goditjet e rrufesë vrasin rreth 2,000 indianë mesatarisht çdo vit, sipas të dhënave zyrtare.
