Sanitarja e një hoteli Maven po nderohet si heroinë pasi parandaloi një masakër të ngjashme me atë të “Las Vegasit”, pranë stadiumit të bejsbollit në Denver, ku 4 persona u arrestuan.
Sipas mediave lokale, sanitarja njoftoi menjëherë policinë pasi zbuloi dhjetëra armë dhe municione të fshehura në hotelin pranë “Coors Field”.
ABC Denver raporton se armët dhe municionet u gjetën brenda një dhome në katin e tetë të hotelit Maven ku po zhvilloheshin festimet për ndeshjen e All Stars.
Hoteli Maven është vetëm dy blloqe larg stadiumit që mirëpret Midsummer Classic, por forcat e ligjit nuk besojnë se kjo ndeshje ishte objektivi kryesor.
Sipas hetuesve, aktivitetet festive përreth stadiumit grumbullojnë mijëra njerëz nga i gjithë vendi dhe ky mendohet të ishte synimi i të arrestuarve.
