Senati i Shteteve të Bashkuara e quajti kushtetues procesin ndaj ish-presidentit Donald Trump dhe lejoji fillimin e gjyqit. Ekipi mbrojtës i Trumpit argumentoi se gjyqi nuk mund të zhvillohet pas largimit të kreut të shtetit nga Shtëpia e Bardhë.
Por mocioni kaloi me rezultatin 56 me 44 së bashku me ndihmën e disa republikanëve. Trump akuzohet për nxitje të kryengritjes ndaj Kongresit. Muajin e kaluar mijëra mbështetës të tij, duke pranuar pretendimet e pabazuara në fakte se zgjedhjet u vodhën, sulmuan Kongresin.
Demokratët e filluan procesin duke treguar një video të 6 janarit kur Trump fliste para mbështetësve të tij. “Ky është një krim i rënd dhe kundërvajtje”, tha ligjvënësi JamieRaskini shtetit Maryland.
Avokatët mbrojtës argumentuan se është jo kushtetuese të vazhdosh procesin ndaj një ish-presidenti.
Pavarësisht shumicës në Senat, votimi tregoi se ka ende mbështetës të ish-presidentit, ndaj dhe miratimi i akuzave me dy të tretat e votave do të jetë i vështirë.
Nëse akuzat konfirmohen, zoti Trump do të ndalohet të zgjidhet sërish në poste publike.
