Shtetet e Bashkuara janë të shokuar nga masakra në Teksas, kur një 18-vjeçar sulmoi një shkollë fillore në Uvalde dhe vrau 19 nxënës dhe dy mësues.
Sipas autoriteteve që po hetojnë ende shkaqet e tragjedisë, autori është Salvador Ramos.
Ramos, i cili u qëllua dhe u vra nga policia, ishte një gjimnazist në qytet dhe para sulmit në shkollën fillore kishte qëlluar gjyshen e tij e cila po trajtohet në gjendje kritike.
Një foto e dy pushkëve AR15 u shfaq në një llogari në Instagram të lidhur me vrasësin e dyshuar të Uvalde vetëm tre ditë para se ai të shkaktonte masakrën në shkollën fillore Rob.
Fotoja është postuar si histori me emrin e përdoruesit “salv8dor_”. Shumë shokë të klasës konfirmuan se llogaria i përkiste të armatosurit të dyshuar Salvador Ramos. Guvernatori i Teksasit, Gutierrez tha për CNN se Ramos, i cili mbushi 18 vjeç disa ditë më parë, bleu dy pushkë sulmi në ditëlindjen e tij.
Nuk është e qartë nëse ato janë përdorur në masakrën e së martës. Faqja e Ramos në TikTok ka vetëm një postim – një klip të një loje celulare të Subway Surfers. Në CV poshtë fotos së tij të profilit shkruhet: “Fëmijët të kenë frikë”.
Salvador Ramos ka punuar në një Wendy’s lokale, sipas menaxherit të restorantit.
Menaxheri i Wendy’s Adrian Mendes tha se Ramos ishte “i qetë dhe nuk shoqërohej me punonjës të tjerë”, duke vënë në dukje se ai nuk e njihte personalisht dhe nuk e shihte shumicën e kohës, sepse ishte në turne të ndryshme.
Ramos punonte nga ora 11:00 deri në 16:00, ose 17:00, pesë ditë në javë.
