Pasi Presidenti Ilir Meta e valëviti flamurin e Shteteve të Bashkuara të Amerikës në tubimin në Bulevardin “Dëshmorët e Kombit”, i menjëhershëm ka qenë reagimi ambasadores Yuri Kim.
Ambasadorja amerikane Yuri Kim me komentin e saj i ka dhënë një “shuplakë” Metës.
“E surprizuar të shikoja flamurin amerikan në “manifestimin” e sotëm. Për të shmangur çdo konfuzion, ne duam të sqarojmë se teksa SHBA mbështet të drejtën për të protestuar paqësisht, ne nuk kemi asnjë lidhje me “manifestimin” e sotëm”, shkruan Kim në një postim në Twitter, duke dhënë mesazhin e saj të fortë edhe përmes simbolikave si fakti që fjalën manifestim e ka vënë në thonjëza.
I was surprised to see the US flag at tonight’s “manifestation.” To avoid any confusion, we wish to clarify that while the US supports the right of peaceful protest, we have nothing to do with tonight’s “manifestation.”
— Ambassador Yuri Kim (@USAmbAlbania) March 2, 2020
