Shtetet e Bashkuara duhet të përgatiten për një konflikt të mundshëm në të ardhmen, i cili do të jetë shumë i ndryshëm nga “luftërat e vjetra”, tha Sekretari i Mbrojtjes i SHBA, Lloyd Austin.
Ai bëri thirrje për punë në zhvillimin e teknologjisë dhe lidhjeve më të mira ushtarake globale, në mënyrë që të “marrë vendime më të shpejta dhe të veprojë më shpejt”, raporton Reuters.
“Lufta jonë në luftën tjetër të madhe do të jetë shumë e ndryshme nga ato të mëparshme”, tha Austin në Komandën e Paqësorit të SHBA në Hawaii.
Megjithatë, ai nuk foli specifikisht për rivalët si Kina ose Rusia, dhe as nuk bëri me dije se për çfarë lloj konflikti mund të bëhej fjalë.
“Ne nuk mund të parashikojmë se çfarë do të ndodhë në të ardhmen. Kjo është arsyeja pse ne duhet të bëjmë kombinimin e duhur të teknologjisë, funksionimit dhe aftësive dhe të lidhemi në mënyrë që secili prej armiqve tanë të mendojë mirë para se të bëjë diçka”.
Përgjigja e SHBA mund të jetë indirekte, thotë Austin, duke përshkruar një skenar në të cilin lufta kibernetike mund t’i përgjigjet një incidenti detar mijëra milje larg.
Fjalimi i shefit të Pentagonit përkoi me fillimin e tërheqjes ushtarake amerikane nga Afganistani, pas një vendimi të Presidentit të SHBA Joe Biden.
Kritikët thonë se tërheqja e SHBA nga Afganistani nuk do t’i japë fund konfliktit të brendshëm, as do të zvogëlojë kërcënimin e terrorizmit.
