Një ushtar komando është arrestuar sot në Tiranë me akuzën e shpërndarjes së drogës në disa zona të kryeqytetit.
Ushtari i prangosur është Xhuljano Kasa, 22-vjeç me funksion ushtar profesionist në Komandën e Forcave Tokësore. Njëkohësisht, policia ka arrestuar edhe bashkëpunëtorin e tij Denis Kanani, 21-vjeç banues në Tiranë.
Dy shpërndarësve u janë sekuestruar 79 gramë lëndë e dyshuar narkotike e llojit kokainë, 582 lëndë e dyshuar narkotike e llojit Cannabis Sativa, pistoletë e llojit “Magnum”, e kalibrit 9 mm, 3 telefona celularë, dokument identifikimi ushtarak ( i shtetasit Xhuljano Kasa).
Njoftimi i policisë:
Finalizohet me sukses operacioni antidrogë i koduar “Tekstili”.
Arrestohen dy shpërndarës të drogërave të forta, njëri prej të cilëve me funksion ushtar profesionist në Komandon e Forcave Tokësore.
Sekuestrohen drogë dhe armë.
Seksioni për hetimin e narkotikëve në bashkëpunim me komisariatin nr.6, pranë D.V.P.Tiranë, më datë 03.10.2017, arrestuan shtetasit :
– Xhuljano Kasa, 22 vjeç, banues në Tiranë (me funksion ushtar profesionist në Komandën e Forcave Tokësore)
– Denis Kanani, 21 vjeç, banues në Tiranë.
Këta dy shtetas janë konstatuar të ulur në një lokal në rrugën “Llambi Bonata”, ku gjatë kontrollit të ushtruar nga shërbimet e policisë, në tavolinën ku këta dy shtetas ishin ulur janë gjetur qese të tejdukshme me lëndë të dyshuar narkotike, të mbuluara me një xhup.
Në vijim janë ushtruar kontrolle në banesat e dy shtetasve të mësipërm ku :
Gjatë kontrollit të ushtruar në banesën e shtetasit Xhuljano Kasa, poshtë dyshekut të krevatit është gjetur një qese me sasi të konsiderueshme pluhuri të bardhë, ( i ndarë në doza) dhe një dokument identifikimi ushtarak, të cilin e paraqiste për t’iu shmangur kontrolleve të policisë, ndërsa gjatë kontrollit të ushtruar në banesën e shtetasit Denis Kanani, është gjetur një pistoletë e tipit “Magnum”, me kalibër 9 mm.
Janë sekuestruar në cilësinë e provës materiale :
– 79 gramë lëndë e dyshuar narkotike e llojit kokainë.
– 582 lëndë e dyshuar narkotike e llojit Cannabis Sativa.
– pistoletë e llojit “Magnum”, e kalibrit 9 mm.
– 3 telefona celularë.
– dokument identifikimi ushtarak ( i shtetasit Xhuljano Kasa).
