Njerëzit shpenzojnë aq shumë kohë duke shikuar poshtë në telefon sa ata janë duke transformuar kockat në pjesën e pasme të kokës, thonë shkencëtarët.
Studiuesit thanë se një pjesë e madhe e njerëzve të rritur kanë të zhvilluar ato të cilat quhen zgjerime të jashtme të zverkut në kafkën e tyre.
Të konsideruara të rralla kur u diskutuan për herë të parë në vitet 1800, tani mund të jemi në gjendje të ndiejmë gunga kockore me gishta ose t’i shohim ata edhe me sy të lirë tek disa njerëz. Dhe njerëzit e rinj po i zhvillojnë ato më shpejt, me hulumtimet që tregojnë gungat janë më të shpeshta mes 18 dhe 30-vjeçarëve.
Dr Shahar sugjeron se arsyeja që këto dalje të jashtme të kockave po bëhen gjithnjë e më të zakonshme është koha që njerëzit, veçanërisht të rinjtë, shpenzojnë duke shikuar poshtë. Orët e kaluara në smartfonë, tableta dhe laptopë mund të ushtrojnë aq shumë tendosje në pjesët më të vogla të përdorura të trupit sa që pjesët e trupit të ndryshojnë.
Në mënyrë të veçantë, muskujt që lidhin qafën në pjesën e prapme të kokës janë të amortizuar, ndërsa përpiqen të mbajnë ende kafkën, teksa një kokë mesatare e rritur mund të peshojë rreth 5 kg. Në përgjigje të atyre muskujve që bëhen gjithnjë e më të mëdhenj dhe të fortë, skeleti rrit shtresat e reja të kockave për të përforcuar dhe zgjeruar zonën. Mesatarisht, njerëzit kontrollojnë telefonat e tyre çdo 12 minuta.
