Aventurieri estonez Jaan Roose bëri histori duke kaluar nga Azia në Europë me një litar të shtrirë mbi Urën ikonike të Martirëve të Stambollit më 15 shtator. Të dielën në mbrëmje, Roose eci 1074 metra në një litar të varur 165 metra mbi Bosfor.
Roose, një sportist i Red Bull, filloi ecjen e tij në anën aziatike të Bosforit në orën 18:00, duke përfunduar udhëtimin transkontinental në vetëm 47 minuta.
“Bosfori ka mijëra vjet rëndësi historike dhe kulturore, si dhe bukuri të jashtëzakonshme natyrore”, tha Roose pas arritjes së tij historike, raporton hurriyetdailynews.com.
“Kam bërë histori, ndaj jam shumë i lumtur”, deklaroi ai.
Estonyalı atlet Jaan Roose, İstanbul’da Asya kıtasından Avrupa kıtasına ip üstünde yürüyerek geçti.
📌 18.00’de başlayan yürüyüş 19.00’da sonlandı. pic.twitter.com/7QzTlAGBrf
— Onedio (@onediocom) September 15, 2024
Kjo është hera e parë që një person ka kaluar në këmbë distancën nga Azia në Europë në një lartësi kaq të madhe, gjë që e shton rëndësinë e ngjarjes.
Roose pranoi se frika është një pjesë e pandashme e aventurës së tij.
“Kam frikë nga lartësitë, por kjo frikë është e nevojshme. Më ndihmon të përmirësoj teknikën time dhe të qëndroj i sigurt. Më duhet të kem frikë se mos bie në mënyrë që të garantoj sigurinë time. Në një farë mënyre, gjithçka është formuar rreth asaj frike. Menaxhimi i kësaj frike, si mendërisht ashtu edhe teknikisht, është thelbësor.”
