Ata që vaksinohen me dy doza të vaksinës AstraZeneca, Pfizer, ose Moderna kanë gjysmën e shanseve për të zhvilluar Covid të gjatë në krahasim me ata që nuk janë të vaksinuar.
Sipas një studimi britanik të botuar në “Lancet Infectious Diseases”, ata që kanë përfunduar kursin e vaksinimit, me njërën nga tre vaksinat e miratuara në Mbretërinë e Bashkuar: Moderna, Pfizer ose AstraZeneca kanë shumë më pak shanse për të zhvilluar Covid të gjatë.
“Shanset që të kesh simptoma për 28 ditë ose më shumë për dikë që kontraktohet me Covid, por është i vaksinuar përgjysmohen”, thonë studiuesit.
Një rrezik i reduktuar në masë të madhe, prandaj, nëse marrim parasysh se të kontaktosh infeksionin ka shumë më pak të ngjarë në të vaksinuar sesa në të pavaksinuar.
Studimi u zhvillua nga dhjetori 2020 deri në korrik 2021 dhe u bazua në të dhënat e futura nga miliona qytetarë të rritur në Mbretërinë e Bashkuar në aplikacionin e monitorimit të Studimit të Simptomave Covid.
Përkundër këtyre rezultateve, një arsye më shumë për të nxituar për t’u vaksinuar, theksojnë ekspertët, ende mbeten shumë pyetje në lidhje me rastet e transportuesve të Covid të gjatë në mesin e të vaksinuarve. Ende nuk është e qartë nëse simptomat për ta janë më të buta, ose zgjidhen më herët se tek ata që nuk janë të vaksinuar.
Sipas një studimi të kryer në korrik në Izrael (para se të përhapej varianti Delta), nga 39 punonjës shëndetësorë të vaksinuar që morën infeksionin (mbi 1.500 të analizuar), 7 kishin simptoma për gjashtë javë, përfshirë kollën, lodhjen, humbjen e nuhatjes dhe vështirësi në frymëmarrje. Është e rëndësishme të nënvizohet se, nëse ata 1,500 njerëz nuk do të ishin vaksinuar, përqindja e të infektuarve dhe ajo e transportuesve do të ishte shumë më e lartë.
