Në Suedi është hedhur ideja që historia në shkolla të mësohet apo studiohet që nga shekulli 19 këtej, ku temat më kryesore për t’u nxënë të jenë Holokausti, Adolf Hitleri, Lufta e Dytë Botërore, si dhe periudha postmoderne të fundit të shekullit të 20-të.
“Nuk ka Romë më të lashtë, Greqi të lashtë, nuk ka më mësime për perandorinë e madhe suedeze”, njofton Bordi i Edukimit Suedez, i cili propozon që temat e historisë të ndryshohet rrënjësisht.
Më shumë kohë në arsim ka për qëllim t’i jepet çështjeve gjinore, ndryshimit të klimës dhe migracionit – u sqarua më tej.
Është sugjeruar që Greqia e lashtë, Roma e lashtë dhe epoka kur Suedia ishte një fuqi e madhe (1611-1718) dhe sundoi vendet përreth detit Baltik, duhet të fshihen nga librat shkollorë historikë.
“Planet e rishikuara të mësimdhënies janë rezultat i mungesës së kohës për të mësuar historinë në shkolla”, pretendon Bordi i Edukimit Suedez.
Nxënësit duhet të përqendrohen më shumë në shekullin e 20-të, te Holokausti, Lufta e Ftohtë dhe idetë që formësuan Suedinë gjatë epokës së pasluftës.
Ky qëllim, megjithatë, ka provokuar rezistencë nga profesoret e historisë.
“Eshtë e tmerrshme, e çuditshme dhe absurde”, tha një prej tyre, historiani Dick Harrison, për të cilin “historia antike” është e nevojshme.
“E gjithë ajo që na rrethon është trashëgimia e grekëve të lashtë”, tha ai, duke paralajmëruar se nëse propozimi bëhet realitet, do të jetë diçka e shëmtuar për suedezët në të gjithë botën.
