Zëdhënësi i qeverisë së Kosovës Përparim Kryeziu, ka dhënë detaje lidhur me takimin që kryeministri i Kosovës Albin Kurti ka zhvilluar sot me kryeministrin e Shqipërisë Edi Rama.
Kryeziu tha për Klankosova.tv se Kurti dhe Rama kanë biseduar për një sërë çështjesh, me theks të veçantë për sfidat energjetike.
“Kryeministri Kurti ka zhvilluar sot një takim pune me kryeministrin e Shqipërisë, Edi Rama. Në këtë takim dy kryeministrat kanë folur për çështjet e politikave publike e qeveritare dhe socio-ekonomike në Kosovë e Shqipëri, me theks të veçantë në sfidat energjetike dhe shkëmbimin që po bëjnë KEK me KESH”, tha Kryeziu.
Pas takimit që i pari i qeverisë së Kosovës kishte me kryetarin e Sindikatës së Bashkuar të Arsimit dhe Shkencës, ai udhëtoi drejt Tiranës për t’u takuar me kryeministrin shqiptar.
