Tre persona janë arrestuar në lidhje me një tentativë vrasje.
Rexhep Rapi, ose i njohur ndryshe si “Kep Rapi” është vënë në prangat e policisë i akuzuar si i përfshirë në këtë ngjarje.
I përfshirë në këtë ngjarje dyshohet se është edhe ish-shefi i Krimeve të Komisariatit nr. 6, Dedan Gjoni i arrestuar më herët për sigurim të kushteve për të kryer vrasje.
Në pranga ka rënë edhe Algert Arapi, nipi i ‘Kep Rapit’.
Hetuesit thonë se kanë arritur të gjejnë prova se Gjoni, në kohën kur ka qenë me detyrë në Komisariatin e Shijakut, ka bashkëpunuar me një grup kriminal për të vrarë një person.
Në shënjestër ishte Xhevdet Plaku, i njohur edhe me nofkën “Akili”. Ai dyshohet se drejtonte trafikun e drogës nga Amsterdami i Holandës, por dyshohet edhe për vepra të tjera.
Plaku përdorte 25 identitete të ndryshme.
Nga hetimet rezulton se Dedan Gjoni ka thirrur në komisariat “Akilin” dhe u ka thënë autorëve orarin që do e lironte dhe u ka nisur foto të tij. Më pas kjo ngjarje nuk është realizuar dot pasi autorët janë tërhequr.
Nga provat e mbledhura deri tani rezulton se edhe urdhri i krimit u dha nga Holanda.
