Një grup personash të armatosur janë futur në një studio televizive ku po transmetohej “live” në Ekuador dhe kanë kërcënuar stafin.
Transmetimi direkt në stacionin televiziv TC në qytetin e Guayaquil-it u ndërpre pasi personat e maskuar u futën në studio. Pjesëtarë të stafit u detyruan të uleshin në dysheme përpara se të ndërprisnin transmetimin.
Crazy scenes in #Ecuador, where gunmen stormed state-owned @tctelevision & took the entire staff hostage.
Criminal groups have launched a nationwide campaign of attacks after gang leader Adolfo Macías escaped from prison, triggering a state of emergency.pic.twitter.com/wMdY5A9Lks
— Charles Lister (@Charles_Lister) January 9, 2024
Kujtojmë se në Ekuador është shpallur gjendja e jashtëzakonshme për 60 ditë, pasi një lider i dënuar bandash u arratis nga burgu.
Personat me kapuç u panë më pas teksa largoheshin nga studiot e TC, ndërsa policia u fut në godinë rreth 30 minuta pasi grupi i armatosur u shfaq për herë të parë.
Siç raportojnë mediat, njësitë e policisë kombëtare në Quito dhe Guayaquil janë vendosur në vendngjarje. Që nga shpallja e gjendjes së jashtëzakonshme, të paktën shtatë policë janë rrëmbyer nga anëtarët e bandës.
Masat u prezantuan nga Presidenti Daniel Noboa pasi bosi i bandës Los Choneros u zhduk nga një burg i sigurisë maksimale të dielën.
