Situata e COVID-19 në Kosovë mbetet shqetësuese pasi numri i rasteve të reja vijon të jetë i lartë. Gjatë 24 orëve të fundit nga kryerja e 471 testeve kanë rezultuar pozitivë 136 raste.
Nga ana tjetër gjatë ditës së fundit janë regjistruar 8 raste fatale duke e çuar në total numrin e viktimave në 488 persona.
Numri total i rasteve pozitive është 12.683 raste nga 48.232 persona të testuar.
Gjatë 24 orëve të fundit, janë shëruar 131 pacientë derisa numri i përgjithshëm i të shëruarve deri më sot është gjithsej 8.788 raste, kurse numri i rasteve aktive është 3.407.
Rastet pozitive janë nga: komuna Prishtinë 51 raste, komuna Podujevë 10 raste, komuna Fushë Kosovë 9 raste, komuna Ferizaj 7 raste, komuna Gjilan 7 raste, komuna Mitrovicë 7 raste, komuna Vushtrri 6 raste, komuna Pejë 5 raste, komuna Skenderaj 5 raste, komuna Drenas 4 raste, komuna Malishevë 4 raste, komuna Gjakovë 3 raste, komuna Klinë 3 raste, komuna Kamenicë 2 raste, komuna Kaçanik 2 raste, komuna Lipjan 2 raste, komuna Prizren 2 raste, komuna Obiliq 2 raste dhe me nga një rast komunat Istog, Junik, Shtime, Suharekë dhe Viti.
