Arsenali është hedhur në kërkim të një trajneri, pas shkarkimit të Unai Emery. Momentalisht në krye të ekipit do të jetë Freddie Ljunberg, i cili do ta drejtojë përkohësisht skuadrën londineze. Tashmë po qarkullojnë disa emra për ta pasuar Emery tek Arsenali.
Një prej tyre ishte Massimiliano Allegri, ish-trajneri i Juventusit. Pasi ka refuzuar të drejtojë Tottenham, italiani ka menduar që të njëjtën përgjigje t’ japë edhe “Topçinjve”. Allegri e ka ngulitur në kokën e tij, që do të pushojë deri në verë dhe më pas të marrë drejtimin e një ekipi.
Arsenali po shikon disa alternativa dhe momentalisht dy janë emrat që shikohen si kandidatë për drejtimin e skuadrës së Premier League. Me Nuno Espírito Santo, i cili aktualisht është në krye të Wolverhampton, thuhet se kanë nisur bisedimet. Atlernativa tjetër është Eddi Howe, tekniku i Bournemouth.
