Ministria e Shëndetësisë bën me dije se gjatë 24 orëve të fundit, në vendin tonë kanë humbur jetën 3 persona. Viktimat janë një 63-vjeçar nga Burreli, një 66-vjeçar nga Tirana dhe një 83-vjeçar nga Shkodra.
Ndërsa, nga 960 testime të kryera, 165 persona kanë rezultuar të infektuar me Covid-19. Rastet pozitive janë identifikuar 81 raste në Tiranë, 21 raste në Fier, 11 raste në Pogradec, 7 raste në Lushnje, 6 raste në Shkodër, Lezhë, 5 raste në Krujë, Berat, 4 raste në Vlorë, 3 raste në Korçë, Elbasan, Kavajë, 2 raste në Rrogozhinë, Tropojë, Malësi e Madhe, 1 rast në Mirëditë, Mallakastër, Ura Vajgurore, Roskovec.
Janë shëruar 102 qytetarë, duke e çuar në 9406 numrin e të shëruarve në vend që prej fillimit të epidemisë.
Mes të shëruarve është edhe Shefja e Departamentit të Sëmundjeve Infektive dhe Epidemiologjisë në ISHP, Silva Bino
“Më gëzoi pa masë lajmi i shërimit të prof. Silva Binos, gruas së fortë dhe profesionistes së rrallë, e cila sapo ka lënë spitalin infektiv, pas dy javësh të vështira nën kujdesin e prof. Najadës dhe kolegëve të saj në spitalin #COVID1”, shkruan ministrja e Shëndetësisë Ogerta Manastirliu në rrjetet sociale.
Aktualisht në spitalin Infektiv dhe “Shefqet Ndroqi” po trajtohen 232 pacientë, 15 në terapi intensive nga të cilët 4 pacientë janë të intubuar.
