Presidenti i zgjedhur amerikan Donald Trump ka zhvilluar një bisedë telefonike me presidentin rus Vladimir Putin të enjten për të diskutuar luftën në Ukrainë.
Sipas burimeve për Washington Post, Trump e ka “këshilluar” Putinin të mos e përshkallëzonte konfliktin dhe i kujtoi atij “praninë e konsiderueshme ushtarake të SHBA-së në Europë”.
Dyshja diskutuan gjithashtu qëllimin e paqes në kontinentin e europian, si dhe perspektivën e telefonatave të mëtejshme së shpejti për të shqyrtuar “zgjidhjen e shpejtë luftës në Ukrainë”.
Gjatë telefonatës, dyshja ka diskutua edhe “çështjen territoriale”, por burimet nuk kanë dhënë detaje të mëtejshme.
Washington Post thotë se burime treguan se qeveria e Ukrainës ishte informuar për thirrjen e Putinit, dhe nuk kundërshtoi që biseda të zhvillohej.
Kremlini tha të premten se Putini ishte i gatshëm të diskutonte Ukrainën me Trump, por kjo nuk do të thotë se ai ishte i gatshëm të ndryshonte kërkesat e Moskës, domethënë që Ukraina të heqë dorë nga ambiciet e saj për t’u bashkuar me NATO-n dhe të dorëzojë katër territoret e mbajtura aktualisht nga Rusia.
