Skandali seksual ku u përfshi ministri britanik i Shëndetësisë, Matt Hancock përfundon me dorëheqjen e tij.
Matt Hancock u kap mat nga tabloidi “The Sun” duke u puthur me ndihmësen e tij dhe në reagimin e tij të parë ndaj skandalit, zyrtari i lartë pranoi se ka thyer rregullat e distancimit social, ndërsa refuzoi dorëheqjen.
Por, pas publikimit të videos, u rritën zërat që kërkonin dorëheqjen e tij dhe tashmë ajo është një realitet.
“The Sun” bëri me dije se fotot e Hancock dhe ndihmëses së tij, të dy të martuar, janë shkrepur brenda Ministrisë së Shëndetësisë, në fillim të muajit maj.
Kreu i Partisë Laburiste, Annaliese Dodds, tha: “Nëse Matt Hancock ka pasur një marrëdhënie të fshehtë me këshilltaren e tij, të cilën e ka punësuar vetë dhe e paguna me taksat e popullit, është një abuzim i qartë me pushtetin dhe konflikt interesi. Boris Johnson duhet ta shkarkojë”.
