Prokuroria për Krimet e Rënda jep pretencën në gjyqin ndaj tre ish-Gjyqtarëve të Apelit Durrës, të akuzuar për “korrupsion”.
Sipas Prokurorisë, ata udhëtuan drejt Spanjës për të ndjekur “El Classico-n” Real Madrid-Barcelona, udhëtim i sponsorizuar nga një person të cilin e kishin palë në një gjykim.
Prokuroria ka kërkuar 3 vjet e 6 muaj burg për Kliton Spahiun, si dhe nga 3 vjet për Petraq Dhimitrin dhe Petrit Çenon. Për të tre, ulet një e treta e dënimit për shkak të gjykimit të shkurtuar. Gjithashtu, për të tre ish-gjyqtarët si dënim plotësues është kërkuar që për 3 vite të mos ushtrojnë funksione publike.
Ndërkohë, për biznesmenin Namik Sadiku, i cili akuzohet se ka bërë të mundur udhëtimin e gjyqtarëve, Prokuroria ka kërkuar 2 vite burg.
