Lideri i Çeçenisë, Ramzan Kadyrov, një prej aleatëve më të afërt të Vladimir Putin ka kërcënuar Poloninë duke thënë se ai është i gatshëm ta sulmojë dhe se vendi i NATO-s “të marrë më mirë armët e veta pas” për t’u mbrojtur.
Kadyrov, i cili mban edhe gradën e gjeneralit në ushtrinë ruse, ka dërguar në Ukrainë trupa të shumta nga Çeçenia, për të mbështetur pushtimin rus.
Ai sulmon Poloninë për shkak të mbështetjes që vendi i Bashkimit Europian dhe i NATO-s i ka dhënë Ukrainës që prej nisjes së luftës.
“Ukraina mbaroi tanimë. Tani, jam i interesuar për Poloninë. Çfarë po kërkon të arrijë Polonia? Pasi të kemi mbaruar punë me Ukrainën, mund t’ua tregojmë për 6 sekonda se çfarë jemi në gjendje të bëjmë, nëse na jepet urdhri”.
Kadyrov gjithashtu kërkoi që Polonia të lëshojë një kërkesë zyrtare faljeje për sulmin me bojë ndaj ambasadorit rus në Varshavë, më 9 maj, teksa po vizitonte një varrezë ushtarake sovjetike me rastin e Ditës së Fitores kundër nazizmit.
Forcat çeçene janë përdorur gjerësisht në rrethimin e Mariupolit, por flitet se kanë qenë të pranishme edhe në masakrat ndaj civilëve në rrethinat e Kievi
