E mbajti sekret për shtatë muaj, sepse siç shkroi një ditë më parë “e ka të vështirë të tregojë një histori para se të dinte fundin e saj”. Teresa Cherubini, 22 vjeçe është vajza e këngëtarit të njohur italian Jovanotti, ku në një postim të gjatë në llogarinë e saj në Instagram zbulon betejën që ka fituar kundër një tumori të sistemit limfatik, e njohur si limfoma e Hodgkin.
Ajo u diagnoza në 3 korrik të 2020-s, por simptomat datojnë që nga viti i kaluar: “Gjithçka filloi në gusht të vitit 2019 me një kruarje të këmbëve. Nuk më interesonte kjo duke menduar se do të zhdukej me kohën, por nuk iku. Muajt kaluan dhe vetëm u përkeqësua. Në qershor të vitit 2020 ajo ishte përhapur në të gjithë trupin, nuk mund të flija për më shumë se dy orë në natë, lëkura më ishte bërë plagë. Kur një nyje limfatike më fryhet në krah, e kuptova se ishte diçka më serioze dhe kjo më në fund çoi në një diagnozë dhe një plan trajtimi. Në muajt e fundit kam pasur 6 cikle kimioterapie të ndjekura nga mjekë dhe infermierë të mrekullueshëm të Institutit Evropian të Onkologjisë në Milano”, shkruan ajo.
Në fotot që shoqërojnë postimin mund të shihni vajzën e këngëtarit gjatë trajtimit dhe një prej të cilave flokët e saj janë qethur, një shenjë e një rilindjeje.
“Kimioterapia nuk bëri që flokët të binin plotësisht, por më 9 dhjetor pas trajtimit të fundit vendosa të qethem si shenjë e një fillimi të ri. Pas muajsh ankthesh dhe frike, historia ka mbaruar dhe mund ta tregoj, sepse që 12 janar 2021 jam shëruar zyrtarisht. Kam qenë jashtëzakonisht me fat që kam një familje spektakolare, miq dhe ekip mjekësor që më kanë ndjekur dhe ndihmuar mua gjatë këtyre muajve.
Do të doja shumë të falënderoja njerëzit që u kujdesën për mua dhe ata që janë në një situatë si e imja. Ata janë njerëz spektakolarë. Dhe sigurisht, falënderime të veçanta për prindërit e mi, @lorenzojova dhe @fravaliani që kanë qenë gjithmonë atje. Në një farë mase, kanceri është një sëmundje shumë e vetmuar, por mbështetja e atyre që janë afër jush është thelbësore për ta kapërcyer, unë nuk do ia kasha dalë pa to. Frika nuk është zhdukur dhe do të duhet ca kohë që t’i besoj përsëri trupit tim, por mezi pres të filloj të jetoj përsëri”, thotë Teresa.
Pas lajmeve postimit të së bijës se ka mundur kancerin, Jovanotti reagoi përmes një shkrimi:
“Faleminderit të gjithëve për mesazhet! Për ne është një ditë e bukur. Mjekët thanë që sëmundja e vajzës sime Teresa është zhdukur. Tani le të fillojmë! Teresa dhe nëna e saj kanë qenë dy tigra në këto muaj, jam shumë krenare për ta.
Dashuria juaj na ka ngazëllyer dhe dëshirojmë të gjejmë një mënyrë për t’ju falënderuar. Do të doja t’i përgjigjesha secilit prej jush individualisht, kjo është ajo që unë me të vërtetë dua të bëj dhe atë që meriton situata, por llogarita se do të më duheshin pak a shumë 216 orë pa pushim.
Kështu që ju falënderoj për ngrohtësinë që i keni dhënë familjes sime: faleminderit të gjithëve”.
