31-vjeçari Klajdi Muça është vetëvarur pasi nuk kishte para të paguante dritat.
Kjo është deklarata e kryetarit të Partisë Demokratike, Lulzim Basha në lidhje me një ngjarje që ka ndodhur në fillim të kësaj jave në Kamëz.
“Ku kam mundësi unë të paguaj kaq para? Veç të vras veten…”, janë këto fjalët që ka thënë babai i një fëmije të mitur, sipas Lulzim Bashës në zyrën e OSHEE-së në Kamzë.
Basha thotë se fatura që duhej të paguante, në mënyrë që OSHEE-ja të mos i priste dritat, ishte 80 mijë lekë të rinj.
“Klajdi, babai i një fëmije të mitur, në pamundësi të sigurimit të shumës së parave i ka dhenë fund jetës duke u vetvarur. Kjo drame e përsëritur këto vite për shkak të pamundësisë së pagesës së energjisë duhet te marrë fund! Ne nuk do të lemë asnjë familje në errësirë se nuk paguan dot energjinë. Deri në 200 kë energji per muaj do ta paguaje shteti për familjet në pamundësi ekonomike. Në qeverisjen tonë buka, uji dhe dritat do të jenë të garantuara për çdo familje. Qytetari nuk do të jetë më i harruar dhe i braktisur në dëshpërim”, shkruan kreu i PD-së në një postim në rrjetin social Facebook.
