Policia e Nashville në Tennesse të Shteteve të Bashkuara të Amerikës ka publikuar momentet e ekzekutimit të transgjinores që shkaktoi masakrën në shkollën katolike duke iu marrë jetën 6 personave, 3 prej të cilëve ishin fëmijë të mitur.
Videot janë marrë nga kamerat e trupit të efektivëve të policisë që ndërmorën pjesë në aksionin për neutralizimin e agresores së dhunshme.
Policia në fillim i bëri thirrje 28-vjeçares që të hedhë armët dhe në momentin që e pa veten të rrezikuar qëlloi disa herë ndaj saj.
Tre të rritur e tre fëmijë të moshave 8-9 vjeç u vranë gjatë të shtënave me armë në shkollën private të krishterë në Nashville të SHBA-së.
Mes viktimave është dhe drejtoresha e shkollës.
Autorja është identifikuar si Audrey Hale, 28 vjeç e cila u vra nga policia. Ajo besohet se ishte ish-nxënëse e kësaj shkolle.
Motivi nuk dihet ende, por Hale kishte vizatuar harta të detajuara të shkollës, duke përfshirë pikat e hyrjes për në ndërtesë, dhe kishte lënë pas një “manifest” dhe shkrime të tjera që hetuesit po shqyrtonin, u tha gazetarëve shefi i policisë John Drake.
