Java e ardhshme parashikohet të jetë java më e ftohtë e këtij dimri.
Rryma atmosferike e ftohtë, e quajtur NiKola vjen nga Rusia dhe pritet të mbërrijë nga hëna e 6 shkurtit edhe në Shqipëri.
Moti i acartë karakterizohet nga erërat e ftohta që do të prekin një pjesë të madhe të territorit, duke shkaktuar rënie të menjëhershme të temperaturave të cilat do të arrijnë deri në -10°C.
Parashikimet e motit për javën e ardhshme flasin për reshje dëbore edhe në lartësi të ulëta, gjë që nuk përjashton mundësinë që të ketë borë edhe në Tiranë.
