Shërbimet policore kanë konstatuar në autostradën Milot-Morinë një “Volkswagen” që qarkullonte në sens të kundërt të lëvizjes në autostradë dhe si pasojë ishte rrezik potencial për ngjarje rrugore me pasoja.
Menjëherë i janë vënë në ndjekje makinës dhe pas ndalimit kanë identifikuar drejtuesin e tij, 32-vjeçarin me iniciale D. G. Ky i fundit, gjatë veprimeve procedurale të shërbimeve të Policisë për shkeljen e kryer prej tij, i ka kundërshtuar ato me forcë.
Në përfundim të veprimeve proceduriale, oficerët e Policisë Gjyqësore të Prokurorisë pranë Gjykatës së Shkallës së Parë të Juridiksionit të Përgjithshëm Kukës arrestuan në flagrancë 32-vjeçarin, banues në fshatin Matranxh, për veprat penale “Kundërshtimi i punonjësit të Policisë së rendit publik” dhe “Drejtimi i automjetit në mënyrë të parregullt”.
