Gjykata e Shkodrës ka dënuar me 22 vite burg Lek Vuksanin autorin e vrasjes së Petrit Vuksanit, ngjarja e ndodhur më 2 maj të një viti më parë.
Para togave të zeza prokuroria paraqiti provat që e implikojnë 34-vjeçarin në krimin e ndodhur në rrugën Tom Kola.
Avokati mbrojtës ka kërkuar testin psikologjik për autorin e ngjarjes, por kjo nuk është pranuar nga gjyqtari i çështjes.
Petrit Vuksani ishte kthyer nga Anglia para një muaji, por gjeti vdekjen në banesën e tij.
Shkak i vrasjes dyshohet të jetë bërë qiraja e shtëpisë që Petrit Vuksani ia kishte lënë të afërmit të tij, Lekë Vuksanit.
Ngjarja është regjistruar rreth orës 12:15 në datën 2 maj 2023, në lagjen ‘Tom Kola’.
