Operacioni Forca e Ligjit ka shkuar këtë hënë në Kurbin e Lezhe, ku iu ka dërguar formularët e vetëdeklarimit 4 të dënuarve për vepra të ndryshme penale.
Burimin e pasurisë duhet ta justifikojnë brenda 48 orëve: Bajram Hidri, Hil Ndreca, Albert Malçi dhe Altin Nogaj.
Hidri, banues në Kurbin, i dënuar për veprat penale “Kultivimi i narkotikëve”, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”;
Ndreca, banues në Kurbin, i dënuar për veprat penale “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”;
Malçi, banues në Mat, i dënuar për veprën penale “Vrasja me paramendim”, e kryer në bashkëpunim;
Nogaj, banues në Lezhë, i dënuar për veprën penale “Vrasja me paramendim”, e mbetur në tentativë.
