Erida Caudili, e cila punon si police në SHBA ishte këtë të mërkurë e ftuar në “Good Morning Albanians” për të folur për ngjarjen e rëndë e ndodhur në Florida, ku një shqiptar vrau ish-gruan e tij në sy të vajzës së mitur.
Ajo tha se Renato Muhaj, autori i krimit, mund të dënohet me vdekje, por kjo çështje do të marrë shumë kohë për t’u shqyrtuar.
“Në Florida ka dënime me vdekje. Zotin Muhaj e kanë akuzuar për vrasje me paramendim. Vrasja me paramendim merr dënimin maksimal dënim me vdekje. Këto çështje janë shumë të vështira.
Ai është i pafajshëm deri në momentin që shteti nuk e deklaron të fajshëm. Ai momentalisht është në paraburgim. Këto çështje shkojnë nga 3-4 muaj deri në 15 vite për t’u shqyrtuar masa e dënimit. Më pas ai ka të drejtën e Apelit”, tha Erida Caudili.
Ajo tha se ata kishin dy vite që ishin ndarë dhe ndaj nuk dihet se për çfarë arsye ai e vrau gruan ditën e djeshme. Ajo tha se gjendja e rënduar psikologjike mund të ndikuar në kryerjene këtij krimi.
Sipas polices, në hetuesi ai ka qenë i hutuar dhe i është përgjigjur pyetjeve me pyetje, ndërsa para se të kryente krimin, pasi kishte dhunuar mizorisht prinërit e tij, ai ka thënë se “Është në duart e djallit”.
“Kur po ikte nga apartamenti pasi kishte dhunuar prindërit e tij ai bëri këtë koment “Është në duart e djallit””, tha policja.
Sipas mediave në SHBA, ai ka thënë se vajza e tij ishte në duart e djallit, duke iu referuar ish-gruas.
“Kur vjen puna për gjërat shëndetësore, ato janë shumë të mbrojtura dhe nuk dalin për publikun”,-tha ish policja, ndërsa theksoi se për krimet në familje në SHBA masat janë të menjëhershme.
