Nga xhelozia e Kiarës, kontratat me Topin, filmi me Oltën apo edhe raporti me kolegët, Luiz Ejlli i thotë të gjitha në pak minuta
Luiz Ejlli është rrëfyer në lidhje me historinë e dashurisë me Kiara Titon e cila lindi brenda mureve të shtëpisë së Big Brother Vip.
Ai është shprehur në një intervistë me Meriton Mjekiqin se ka luftuar shumë për ta fituar atë vajzë teksa ndodhej brenda shtëpisë së BBV dhe tani qëllimi i tij është të ruajë marrëdhënien që kanë ndërtuar.
“Jo nuk është se është xheloze thjesht thotë me mend në kokë. Nuk ka pas me qenë xheloze. Është mëse normale që në çift të ketë xhelozi. Unë jam vend natyrë ngacmuese. I them u lodha mbrëmë më erdhën disa balerina. Ajo e ka njohur natyrën time dhe për këtë gjë e vlerësoj. Nuk dua që të pështyj aty ku kam lëpirë. Kam fituar shumë për atë vajzë. Nuk janë të vështira gjëra që të fitohen aq sa janë të vështira për t’u mundur”, deklaroi ai.
Ai është ndalur edhe te filmi me Oltën dhe roli që do të luajë përkrah saj si çift.
“Kasti është me aktorë të jashtëzakonshëm. Unë jam një djalë i thjesht që bën një punë normale të thjeshtë. Familja e nuses janë familja elitë, familja model. Ndihem pak keq që kam diferencë me ta dhe kjo bëhet shkak me u ndarë. Gruaja është Olta Gixhari. Kaq bukur e lozim atë pjesën që ndahemi. Na vjen natyrshëm. Unë kam bërë disa skena para se të ikja. Xhirimet do zgjasin deri më 15 korrik. Skenari është në gjuhë letrare, por unë do flas në gjuhë shkodrane”, deklaroi Luizi.
Këngëtari po ashtu zbuloi se në muajt në vijim do të vijë edhe me një bashkëpunim me Elvana Gjatën.
“Pas koncertit duhet të ulemi për ta filluar për ta bërë bashkëpunimin. Unë me Elvanën kemi një marrëdhënie shumë të mirë dhe ka për të dalë diçka shumë e bukur”, tha Luizi.
Si një nga artistët më të kërkuar të momentit, nuk kishte si mos të prekej edhe pjesa e koncerteve dhe shifrat marramendëse që përfliten në rrjet. Mirëpo Luizi u shpreh se ai ka një përqindje nga fitimet dhe pjesa tjetër i takon Top Channel, me të cilët ka një kontratë.
“Çdo ofertë që më vjen, unë ia dorëzoj Topit. Unë kam përqindjet e mia. Fitimet e mia i di, pastaj kontratat i mbyllin ata. Çmimet për koncertet i vendos tjetër kush për mua. Por, jam shumë i kënaqur”.
Ndërsa në lidhje me kolegët dhe shoëbiz-in që është bërë pjesë së fundmi tha: “Njerëzve që më kanë mbyllur derën, që më kanë shfrytëzuar dhe që kanë hedhur edhe baltë mbi mua iu uroj jetë të gjatë që të shohin sukseset e mia.
Ka shumë artistë që janë investuar në muzikë mbi 10 vite dhe shohin që jam unë më i preferuar për 4 muaj e gjysmë, edhe unë të isha në vend të tyre, të jemi realistë ky është biznes e ke një lloj mllefi, një lloj xhelozie dhe nuk i fajësoj. Ama a kam arritur të kuptoj se kush më do me të vërtetë nga këta artistë? Po.”
